بەڕێوەبەری جیهادی کشتوکاڵی مەهاباد

دروێنەکردنی زیاتر لە ٨٠ هەزار تۆن چەوەندەر لە کێڵگەکانی شاری مەهاباد

ساڵی ڕابردوو، لەسەر ئاستی هەزار و ٨٠٠ هێکتار، نزیکەی ٨٥ هەزار تۆن بووە.

مەهاباد/بالویز/ئابووری/ بەڕێوەبەری جیهادی کشتوکاڵی مەهاباد وتی: زیاتر لە ٨٠ هەزار تۆن چەوەندەری شەکر لە کێڵگەکانی شاری مەهاباد وەرگیراوە.

بە پێی ڕاپۆرتی سایتی هەواڵی بالویز، “سەلاحەدین حەقگۆوی” ڕایگەیاند: ئەمساڵ زیاتر لە ٨٠ هەزار تۆن چەوەندەر لە کێڵگەکانی ئەم شارە دروێنە کراوە.

بەڕێوەبەری کشتوکاڵی شاری مەهاباد ڕایگەیاند: ئەمساڵ زیاتر لە ٨٠ هەزار تۆن چەوەندەر لە ڕووبەری هەزار و ٤٠٠ هێکتار وەرگیراوە و گەیەندراوەتە کارگەکانی شەکر لە ئازەربایجانی ڕۆژئاوا.

ئاماژەی بەوەشکرد: ئەم بڕە دروێنەی ساڵی ڕابردوو، لەسەر ئاستی هەزار و ٨٠٠ هێکتار، نزیکەی ٨٥ هەزار تۆن بووە.

“حەقگۆوی” ڕایگەیاند: بە هۆی دەستکاری کردنی شێوازی چاندن لە حەوزی دەریاچەی ورمێ، ڕووبەری ژێر چاندنی چەوەندەر لەمساڵدا نزیکەی ٤٠٠ هێکتار کەمی کردووە.

وتیشی: هاوپێچ لەگەڵ سیاسەتەکانی بارەگای نۆژەنکردنەوەی گۆلی ورمێ، ڕووبەری ژێر چاندنی چەوەندەر لە دوو هەزار و ٥٠٠ هێکتارەوە بۆ هەزار و ٤٠٠ هێکتار لە ساڵی ئێستادا زیادی کردووە.

“حەقگۆوی” ئاماژەی بەوەدا: بەکارهێنانی جۆری شریت و شێوازی چاندنی ۴۰ – ۶۰ بە ئامانجی ڕێگریکردن لە بەفیڕۆدانی ئاو و بەکارهێنانی گونجاوی سەرچاوەکانی ئاو لە بەرنامەی کاردا بوو.

بەڕێوەبەری جیهادی کشتوکاڵی شاری مەهاباد زیادی کرد: بە ڕەزامەندی حکوومەتی ئەمساڵ ئەم بەرهەمە بە ڕێژەی گەرەنتی ۲۸ هەزار ریال بۆ هەر کیلۆیەک بە ڕێژەی ۱۶% لە جووتیاران دەکڕدرێت کە ئەمەش نیشانەی زیادبوونی ۸۰% بۆ هەر کیلۆیەک نیشان دەدات بە بەراورد بە ساڵی ڕابردوو.

مهاباد/بالویز/۱۴۰۲/۰۹/۲۲-۰۱:۰۸:۴۵/خبر ۴۰۱۹/کدخبر۱۹۳۹۳/ چ ۳۸۲/

 

رحیم بایزیدی
Latest posts by رحیم بایزیدی (see all)