ژماره‌یه‌ك خۆراك به‌رگرى له‌ش به‌هێز ده‌كه‌ن و دوورمان ده‌خه‌وه‌ له‌ توشبون به‌ تایبه‌تى ڤایرۆسى كۆرۆنا

مهاباد“بالویز”-ژماره‌یه‌ك خۆراك به‌رگرى له‌ش به‌هێز ده‌كه‌ن و دوورمان ده‌خه‌وه‌ له‌ توشبون به‌ په‌تاوه‌رزییه‌كان به‌ تایبه‌تى ڤایرۆسى كۆرۆنا 

پزیشكانى پسپۆڕ دواى لێكۆڵینه‌وه‌كان ژماره‌یه‌ك خۆراك دیارى ده‌كه‌ن كه‌ به‌رگرى له‌ش به‌هێز ده‌كه‌ن و دوورمان ده‌خه‌وه‌ له‌ توشبون به‌ په‌تاوه‌رزییه‌كان به‌ تایبه‌تى ڤایرۆسى كۆرۆنا.

ئه‌مانه‌ى خواره‌وه‌ به‌شێكن له‌و خواردنانه‌ى كه‌ كاریگه‌رى ته‌واویان هه‌یه‌ له‌ به‌هێزكردنى سیستمى به‌رگرى جه‌سته‌ و ته‌ندروستى مرۆڤ جێگیر ده‌كه‌ن.

زەنجەفیل و سیر، تواناى به‌گرى له‌ش به‌هێز ده‌كه‌ن، دژی هەوکردن و پەتا وه‌رزییه‌كان، هەروەها دژە ئۆکسیدیکی باشیان تێدایە.

گۆیژى ڕه‌ش ئه‌م به‌رهه‌مه‌ تایبەتمەندی دژە ئۆکسیدبوونی هەیە و یارمەتی لەش ئەدات کە بەرگریەکی بەهێزی هەبێت بەتایبەت لە سیستەمی کۆئەندامی هەناسەدا.

شوکلاتەی ڕەش، پێکهاتەکەی جۆرێک لە دژە ئۆکسیدی تێدایە كه‌ به‌رگرى له‌ش به‌هێزده‌كات، بەپاراستنی خانەکانی جەستە لە کۆمەڵێک ئەتۆمی ناجێگیر لە لەشدا کە هۆکارێکن بۆ نەخۆشکەوتن و تێکشانی خانەكان.

زەردەچەوە، له‌ پێكهاته‌ى ئه‌و به‌رهه‌مه‌دا، کیمیایی قاوەی زەردباو هه‌یه‌، دژی هەو کردن و بەهێز کردنی بەرگری جەستە و وەک دەرمانی جێگرەوەش بەکار دەهێنرێت.

ماسى، به‌تایبه‌تى جۆره‌كانى توونە و سەلەمون، به‌هۆى ده‌وڵه‌مه‌ندبونیان به‌ ئۆمیگا ۳ كه‌ دژى هه‌وكردنن و كاریگه‌رى باشیان هه‌یه‌ له‌سه‌ر جه‌سته‌.

بروکلی، ڕۆڵى گرنگى هه‌یه‌ له‌ به‌هێزكردنى سیستمى به‌رگرى له‌ش، هاوكات، سەرچاوەیەکی دەوڵەمەندە بە ڤایتامین C.

سپێناخ، یەکێکە لە سەوزە گرنگەکان کە دەوڵەمەندە بە پێکهاتە خۆراکی و دژەئۆکسیدەکان کە یارمەتیدەرن لە باشترکردنی سیستەمی بەرگریمان.

هاوكات، خواردنه‌وه‌ى چای سەوز و خواردنى پەتاتەش گرنگن و به‌رگرى له‌ش به‌هێزده‌كه‌ن

مهاباد – بالویز – ۹۹/۰۳/۱۶- ۲۰:۵۳

دیدگاهتان را بنویسید

نشانی ایمیل شما منتشر نخواهد شد.