دوایین ژمارەی گیرۆدەکانی کۆرۆنا لە هەرێمی کوردستان

مه هاباد – بالویز – وەزارەتی تەندروستیی هەرێمی کوردستان رایگەیاند، لە ماوەی ۲۴ کاژێری رابردوودا پێنج کەس تووشی ڤایرۆسی کۆرۆنا بوون کە چواریان لە سلێمانین و یەکێکی دیکەش لە هەولێرە. بەپێی نوێترین راگەیێندراوی وەزارەتی تەندروستیی هەرێمی کوردستان تا ۱۲-۰۴-۲۰۲۰ بڵاویکردووەتەوە، هاتووە، “لە پارێزگای هەولێر کەسێک تووشی ڤایرۆسی کۆرۆنا بووە کە پیاوێكی تەمەن ۲۷ ساڵە و […]

مه هاباد – بالویز – وەزارەتی تەندروستیی هەرێمی کوردستان رایگەیاند، لە ماوەی ۲۴ کاژێری رابردوودا پێنج کەس تووشی ڤایرۆسی کۆرۆنا بوون کە چواریان لە سلێمانین و یەکێکی دیکەش لە هەولێرە.

بەپێی نوێترین راگەیێندراوی وەزارەتی تەندروستیی هەرێمی کوردستان تا ۱۲-۰۴-۲۰۲۰ بڵاویکردووەتەوە، هاتووە، “لە پارێزگای هەولێر کەسێک تووشی ڤایرۆسی کۆرۆنا بووە کە پیاوێكی تەمەن ۲۷ ساڵە و دانیشتووی شاری هەولێرە و بەرکەوتەی تووشبووانی پێشووە”.

سەبارەت بە چوار تووشبووەکەی پارێزگای سلێمانی، وەزارەتی تەندروستی دەڵێت، هەموویان بەرکەوتەی تووشبووانی پێشوون و لە سێ ئافرەت پێکهاتوون کە دووانیان دانیشتووی سلێمانی و یەکێکی دیکەش دانیشتووی قەزای چەمچەماڵە، لەگەڵ پیاوێکی تەمەن ۲۵ ساڵ کە دانیشتووی قەزای بازیانە.

تاوەکو ئێستا لە هەرێمی کوردستان ۳۳۰ کەس تووشی ڤایرۆسی کۆرۆنا بوون لەو ژمارەیە ۱۴۹ کەس چاکبوونەتەوە و چوار کەسیش گیانیان لەدەستداوە. وەزارەتی تەندروستی دەڵێت “ئەوانی دیکە هەموویان لەژێر چاودێری پزیشکی دان”

مه هاباد – بالویز – ۹۹/۰۱/۲۵- (۱۵:۴۶)